Кога ќе купите Garmin часовник, вашето патување и контакт со нас не завршува тука – тоа е всушност само почетокот. Ние веруваме дека вистинската вредност не е само во уредот што го носите на рака, туку и во поддршката, советите и услуги кои ги добивате и по купувањето.

Во продолжение ќе ви откриеме чекор по чекор што следува откако ќе го вклучите часовникот и како најдобро да го искористите неговиот потенцијал.

1. Првото вклучување и запознавање со бесплатната апликација Garmin Connect

Чекор 1: Најпрво наполнете го часовникот барем до 50% за да не се прекине процесот на поврзување.

Чекор 2: Симнете ја апликацијата Garmin Connect (iOS/Android) на телефонот.
Garmin Connect е центарот на вашето искуство – овде се чуваат сите податоци за активностите, сон, пулс, тренинзи, цели и многу повеќе. Апликацијата ви овозможува да следите напредок, да правите анализи, да споделувате резултати со пријатели и да учествувате во предизвици.

Чекор 3: Вклучете Bluetooth и дозволете му на Garmin Connect пристап до Bluetooth, Локација и Известувања (без локација, Android често не дозволува стабилен BT скен).
Ако претходно го поврзавте уредот преку системските BT-насоки – отстранете го. Garmin часовникот треба да се додаде преку апликацијата, не директно преку Settings.

Чекор 4: Поврзување преку апликацијата

-> Отворете Garmin Connect > More/Повеќе (или ≡ мени) > Garmin Уреди > Додај уред.
-> Апликацијата ќе скенира. На часовникот изберете Pair/Спарување (или следете го екранот што се појавува при првото вклучување).
-> Кога ќе се појави вашиот модел на телефонот, одберете го. На екранот ќе се појави код (на часовникот и во апликацијата).
-> Потврдете дека кодовите се совпаѓаат > Pair/Спарете.
-> Дозволете ги бараните пермисии: Notifications/Известувања, Contacts, Calendar (ако сакате календар на зглоб), Background Refresh.

• iOS специфики

-> Дозволете Bluetooth и Location за Garmin Connect.

-> Во Settings > Notifications овозможете Allow Notifications за Connect и изберете стил на прикажување.

-> Ако користите Focus/Do Not Disturb, додадете исклучок за Garmin.

• Android специфики

-> Проверете Location ON и дозволи за Nearby devices.
-> Исклучете Battery optimization за Garmin Connect (Settings > Apps > Garmin Connect > Battery > Unrestricted/Not optimized) за стабилна синхронизација.
-> Овозможете „Run in background“ ако постои опцијата.

Чекор 5: Поставете дополнителни функции кои ќе ви го олеснат и разубават секојдневието

• Додавање музика на вашиот часовник

Голем дел од Garmin часовниците овозможуваат складирање на музика директно на уредот.

Како да додадете музика?

-> Поврзете го часовникот со Wi-Fi преку апликацијата Garmin Connect.

-> Отворете Garmin Express на вашиот компјутер (или користете поддржани стриминг сервиси преку Connect IQ).

-> Изберете песни или плејлисти кои сакате да ги префрлите.
-> По синхронизација, поврзете Bluetooth слушалки директно со часовникот – и подготвени сте за тренинг без телефон.

Дел од големиот асортиман на часовници со music опција

• Додавање на Garmin Pay – вашиот дигитален паричник на рака

Со Garmin Pay, повеќе не мора да носите паричник или телефон на тренинг или прошетка.

Подесување:

-> Отворете ја апликацијата Garmin Connect.

-> Одберете го вашиот уред → Wallet & Garmin Pay.

-> Креирајте безбеден код за заклучување на часовникот.

-> Додадете платежна картичка од една од поддржаните банки.

-> За плаќање – пристапете до апликаците од вашиот часовник, изберете „Wallet“, внесете го кодот и само доближете го зглобот до POS терминалот.

Со ова, часовникот станува ваш тренинг-партнер, но и секојдневен помошник.

За повеќе информации за Garmin Pay и кои часовници ја имаат оваа можност, прочитајте тука.

Чекор 6: Тест-синхронизација и први ажурирања По поврзувањето, Garmin Connect ќе понуди ажурирање на firmware – прифатете. Направете тест: стартувајте кратка активност од 1 минута, стопирајте и синхронизирајте (симболот за синк или повлечете-освежи во апликацијата). Проверете дали активноста се прикажува во Garmin Connect. Дополнителни совети: Ако часовникот има Wi‑Fi, додадете ја вашата мрежа (на часовник: Settings > Wi‑Fi или преку апликацијата) за побрзи апдејти и upload на активности. Вклучете ја функцијата Auto Sync за да бидете сигурни дека секој тренинг и секој чекор се зачувани.

Чести проблеми и решенија

Не се појавува уредот? Рестарт на часовник (7–15 сек држете Light/Power) и рестарт на BT на телефонот.

Порака „Pairing Failed“? Отстранете го од BT-settings, Force stop на Connect (Android), потоа повторете ја постапката од апликацијата.

Нема нотификации? Проверете дозволи за известувања, звук/тих режим и дали Connect работи во позадина.

Имам повеќе Garmin уреди? Во Connect > Garmin Devices поставете кој е „Preferred Activity Tracker“ за чекори/сон.

2. Апликации и додатоци преку Connect IQ

Вашиот часовник не е само уред за следење на активностите – тој може да стане персонализиран асистент.

Преку Garmin Connect IQ Store можете да симнувате апликации, widget-и и watch face дизајни. Може да додадете апликации за спортови, навигација, временска прогноза, па дури и музички плеери. Така го правите вашиот Garmin уникатен и прилагоден на вашите потреби.

Совети: Управување со меморијата: часовниците имаат ограничена меморија; држете само она што реално го користите.

Апдејти: периодично проверувајте ги апликациите за ажурирања.

Безбедност: инсталирајте од доверливи автори и читајте коментари/рецензии.

Музика: за Spotify/Deezer/Amazon Music – инсталирајте ја апликацијата на часовникот, потоа направете Authorize преку Connect, креирајте плејлисти и синхронизирајте преку Wi‑Fi.

3. Гаранција и сервис

Со купувањето на секој Garmin производ добивате и 2-годишна гаранција која ги покрива сите фабрички дефекти, без ралика дали е купен директно од garmin.mk или од некој од продажните партнери Анхоч, Нептун, Сетек…За производите купени од garmin.mk гаранцијата е дигитална и зачувана во нашиот систем, па со тоа ви се олеснува процесот и проблемот со чување и памтење каде е документот за реализација на продажбата целосно ви се отстранува. Сѐ што е потребно е да ни кажете на кое име и презиме/фирма гласи документот. Додека пак, за производи купени од нашите продажни партнери потребно е да ни ја доставите фискалната сметка.

Гаранцијата не покрива физични оштетувања од удар, гребнатини, неправилна употреба и слично. За повеќе информации околу гаранцијата прочитајте тука.

Како се постапува при проблем со часовникот?
Во случај да имате проблем со часовникот, без ралика дали е под гаранција или не, првиот чекор е да ја пополните оваа форма за да отвориме сервисен тикет со цел да знаеме кои постапки да ги преземеме.

Потоа, кога часовникот е во гарантен рок, постапка која најчесто се применува е издавање на нов ист модел. Со тоа, новоиздадениот часовник подложува на истата 2-годишна гаранција, односно претходната си продолжува.

Кога часовникот не е под гаранција, добивате наша онлајн поддршка за можни решенија, а доколку не може да се помогне на таков начин ве упатуваме кон наш надворешен сервисер. 

Напомена: Секако дека Garmin има глобална поддршка и гаранцијата важи секаде. Така што, за Garmin уреди купени во странство, гаранцијата важи и кај нас, но најпрво треба да се обратите до продажното место од каде што го имате купено часовникот и да го пријавите проблемот. Потоа, во зависност од нивниот одговор за каде треба да се оствари гаранцијата ќе знаете дали да се обратите до нас или гаранцијата ќе ја сноси продажното место.  

Купувањето на Garmin часовник е инвестиција во вашето здравје, спорт и стил на живот. Но најважно – не сте сами на овој пат. Со Garmin Connect, персонализирани апликации, сигурна гаранција и посветена поддршка, добивате многу повеќе од уред. Добивате целосно искуство и партнер кој се грижи за вас – секој ден.

Затоа, кога ќе ставите Garmin на рака, запомнете: ова е почеток на едно долго и корисно патување, а ние ќе бидеме тука заедно со вас.

Погледнете ја нашата колекција на паметни фитнес часовници.