Замислете си сценарио: планинарите високо, далеку од патишта, нема GSM сигнал, времето се влошува, а некој од групата се повредил. Што би направиле? Во такви критични моменти, Garmin inReach може да биде разликата меѓу навремена помош и сериозна опасност.

Во овој блог пост ќе објасниме што е inReach, како функционира SOS сигналот и зошто секој outdoor ентузијаст треба да поседува ваков уред.

Што е Garmin inReach?

Garmin inReach е сателитски комуникациски уред кој овозможува двонасочни текстуални пораки, следење на локација во реално време и итен SOS сигнал – сето тоа преку Iridium сателитска мрежа, која има 100% глобална покриеност, без потреба од мобилен сигнал.

Клучни функции:

• Испраќање и примање пораки од било каде во светот
• SOS сигнал
• Live tracking и споделување на локација
• Пристап до временска прогноза
• Поврзување со мобилен телефон преку Garmin Explore App

Како функционира SOS функцијата?

Една од највредните карактеристики на inReach е SOS копчето кое се користи само во реална итна ситуација. Еве што се случува кога ќе го притиснете тоа копче:

• Се активира SOS сигнал преку сателит до професионален центар кој работи 24/7.
• Вашата GPS локација автоматски се испраќа
• Преку inReach уредот, добивате двонасочна комуникација со операторите – можете да ја објасните ситуација, повредата и да примате совети за соодветно справување со проблемот
• Во тек е координација на акцијата за спасување
• Додека спасувањето е во тек, можете да продолжите со комуникација и праќање на локацијата во реално време.

Важно: Garmin inReach работи дури и кога нема сигнал, интернет или мобилен телефон. Сѐ што ви треба е јасно небо и батерија на вашиот Garmin уред.

Кои Garmin уреди поддржуваат inReach?

Garmin има неколку уреди со вградена inReach технологија, дизајнирани за различни типови корисници:

• inReach Mini 2 – Ултра-компактен и лесен, идеален за планинари
• GPSMAP 67i – Моќен GPS уред со интегриран inReach – одличен за професионалци
• Montana 710i/760i – Голем екран, идеален за off-road возачи и авантуристи со возила
• Alpha 300i – За ловци и следење на кучиња

Колку чини и како функционира претплатата?

Garmin inReach уредите бараат активна сателитска претплата, слично како SIM картичка. Постојат неколку планови.

За кого е наменет?

Garmin inReach е совршен избор за:

• Планинари, алпинисти, водичи
•  Велосипедисти и мото авантуристи во off-grid региони
•  Истражувачи, геолози, научници
•  Морепловци, едриличари и патувачи
•  Outdoor семејства кои сакаат поголема безбедност

Безбедноста пред сè

Garmin inReach не е само „уред“ – тоа е алатка за преживување и мир на умот. Можеби никогаш нема да го искористите SOS копчето, но ако дојде до тоа – верувајте дека ќе бидете подготвени.