Garmin продолжува да доминира во светот на мултиспортските паметни часовници со уреди дизајнирани за сите, од фитнес ентузијасти до хардкор авантуристи. Со неодамнешните изданија на Garmin Fenix 8, Venu 3 и Instinct 3, предизвикот да се избере вистинскиот паметен часовник за вас може да изгледа застрашувачки. Па, ајјде да ги разложиме предностите, карактеристиките и разликите на секоја серија за да ви помогнеме да ја донесете правилната одлука кој е часовник што најдобро ќе одговара на вашиот животен стил.
Garmin Fenix 8: ултра мултиспортски часовник
Fenix 8 е моќниот центар на Garmin, кој нуди врвна прецизност, издржливост и карактеристики. Најмногу наменет за врвни спортисти, авантуристи на отворено или пак технолошки корисници кои го ценат сето она што го нуди овој компјутер на зглоб. Fenix 8 е часовникот што го носите на планински ултрамаратон или еднонеделно пешачење со целосно вградено мапирање и детален увид во податоците. Има цврст дизајн и изграден е со врвни материјали со можности за титаниум и сафирно стакло и имате можност да бирате помеѓу амолед или соларен дисплеј. Неверојатно долгата батерија варира од до 10 дена траење кај 43mm моделите, па сѐ до 48 дена кај 51mm соларните модели. Кога станува збор за навигацијата ви нуди целосни топографски карти, GNSS со поголем опсег и можности за планирање на рутите. Со голем број на предефинирани активности за тренинг и напредни метрики како HRV статус, сооднос на оптоварување и издржливост во реално време, овој паметен часовник ќе ви биде верен придружник за време на вежбањето. А, во однос на паметните карактеристики, оваа серија може да се пофали со можност за складирање музика, Garmin Pay, паметни известувања, а звучната функционалност ќе ви овозможи да зборувате директно од вашиот часовник кога тој е поврзан преку Bluetooth со вашиот паметен телефон.
Garmin Venu 3: Кога добриот изглед е во сооднос со здравствените функции
Серијата на Venu 3 која нуди две димензии од 41mm и 45 mm ги спојува модата и функцијата со фокус на целокупното здравје. Идеален е за луѓе кои имаат приоритет на благосостојбата, преферираат сјајни бои на екран на допир и се физички активни. Овој часовник е наменет за секојдневни корисници, поединци фокусирани на здравјето и спортисти. Со неговиот елегантен дизајн и рамка од нерѓосувачки челик овој часовник ќе ви стане омилениот секојдневен моден додаток кој ќе ви ги дава најважните спортски и здравствени податоци директно на вашиот зглоб. Батеријата трае 10-14 дена режим на паметен часовник. А, во однос на здравствените функции добивате следење на спиење, детекција на дремка, батерија на телото, следење на стресот, водено дишење и многу повеќе. Серијата Venu 3 има и однапред вчитани тренинзи, анимирани вежби и GPS следење, гласовен асистент, музика, Garmin Pay и слично.
Garmin Instinct 3: Цврст, сигурен и долготраен
Instinct 3 е изграден со цврст дизајн од воено одделение, полимер засилен со влакна, отпорен на вода до 100 m. Ова е одличен паметен часовник за планинари, воен персонал и корисници на кои им е потребна екстремна издржливост и едноставност, со дополнителна помош од вградена LED сијалица. Со избор помеѓу две димензии 45 mm и 50 mm и amoled или соларен дисплеј, овој часовник претставува одличен избор и за мажи и за жени. Што го прави уште поиздржлив? - Батеријата која трае од 14 дена за 45 mm amoled моделите, додека пак соларните модели се класифицираат и со неограничена трајност на батеријата. Одличниот систем на вградена навигација се карактеризира со основен GPS, означување на попатни точки и TrackBack. Во однос на паметните карактеристики, имате можност да добивате паметни известувања, одредена контрола на музиката, Garmin Pay и следење на активностите.
Сега кога ги издвоивме главните карактеристики од секоја серија, ајде да ви помогнеме да го одберете најдобриот часовник за вас. Подоле следуваат неколку прашања со одговори и во однос на одговорот кој часовник би ви бил најсоодветен. Прочитајте ги прашањата внимателно и добро размислете за вашите одговори.
Посетете ја нашата веб-страница и одберете го вашиот нов Garmin уред!
Мила Павловска
Digital Channel & Support Manager
mila@garmin.mk
+389 75 306 200
