Garmin одамна не е само синоним за GPS технологија – денес ова име претставува водечки бренд и кога станува збор за паметни и спортски часовници. Еден од нашите најголеми предности е огромниот избор на модели дизајнирани за различни стилови на живот, активности и возрасти. Без разлика дали сте спортист, љубител на елеганција или родител што сака да го мотивира своето дете да биде поактивно – Garmin секако има нешто за вас.

Спортски GPS паметни часовници – Моќ, прецизност и стил

Овие часовници се создадени за луѓе што се активни и сакаат да ги следат своите перформанси, но и да имаат паметен уред на зглобот. Уред кој ќе ви даде прецизни податоци за чекори, калории, спиење, пулс, сатурација, варијабилност на срцев ритам, стрес и многу повеќе. Тука издвоивме дел од најпопуларните модели:

Venu 3 / 3S / Venu X1 – елегантен AMOLED екран, детален преглед на здравје и тренинг, вклучувајќи Garmin Coach, Pulse Ox, Body Battery, sleep coaching и разговори директно од часовникот кога тој е поврзан со паметен телефон преку Bluetooth.

Fenix 8 – премиум мултиспорт часовник со вградени напредни навигациски мапи и алатки, звучник и микрофон, избор за амолед дисплеј или соларно полнење и издржлива конструкција. Идеален за планинари, тркачи, велосипедисти и авантуристи.

Vivoactive 5 / 6 – одличен баланс помеѓу паметни функции и фитнес алатки, со AMOLED екран, долга батерија и вграден GPS.

Forerunner серија (165, 255, 265, 570, 965, 970) – лесен часовник идеален за тркачи и триатлонци со прецизно следење на тренинг, VO2 max, Training Readiness и многу други значајни анализи.

Lily 2 Active – компактен и стилски, но сепак богат со фитнес и здравствени функции, наменет за оние што сакаат помал и посуптилен дизајн.

Хибридни часовници – Класика со паметна внатрешност

Хибридните модели од Garmin се совршен спој на традиционален изглед и современа технологија. Тие имаат вистински стрелки и минималистички дизајн, но под површината се крие паметна функционалност: мерење на пулс, стрес, спиење, чекори, Body Battery, паметни известувања и многу повеќе.

Lily 2 (Classic & Sport) – ултраженствен хибриден дизајн со фокус на здравје, стрес, менструален и тракер за бременост, со мала големина и суптилна естетика.

Vivomove серија (Trend, Style, Sport, Luxe) – стилски часовници што изгледаат како класични, но при допир откриваат скриен паметен дисплеј.

Хибридните модели се идеални за оние што сакаат да изгледаат елегантно и професионално, но сепак да го следат своето здравје и активност преку денот.

Детски часовници – Забава и здрави навики

Garmin се грижи и мисли на сите, а тука спаѓаат и најмладите корисници. Детските модели се дизајнирани да ги мотивираат децата да се движат и да бидат активни преку интерактивни предизвици и анимирани ликови. Родителите можат да следат активности, да поставуваат задачи и дури да испраќаат потсетници преку апликацијата Garmin Jr.

Vivofit jr. 3 – шарен, издржлив и отпорен на вода, со вклучени авантуристички игри, награди и часовник што расте заедно со детето. Постојат изданија со Disney, Marvel и други популарни теми.